"Челси" ҳимоячиси Маркос Алонсо ёзда "Барселона"га ўтиши мумкин. Клублар 31 ёшли испаниялик футболчининг трансфери борасида келишувга яқин турибди, деб хабар беради Sport.es.
Битимнинг тахминий суммаси тахминан 10 миллион еврони ташкил қилади. Футболчининг ўзи бир неча бор Каталония клубига ўтиш истагини билдирган.
2021/22 йилги мавсумда Алонсо “Челси” сафида 46 та ўйинда 5 та гол урди ва 6 та голли узатмани амалга оширди.
Эслатиб ўтамиз, ҳимоячининг Томас Тухель жамоаси билан шартномаси кейинги мавсум охирида якунига етади.
