"Фейеноорд" ҳимоячиси Тирелл Маласиа "Манчестер Юнайтед"га ўтишини якунлаш учун бугун Англияга учади, дея хабар беради журналист Фабрицио Романо.
Манба берган хабарга кўра, бугун 22 ёшли нидерландиялик тиббий кўрикнинг биринчи қисмидан, эртага эса иккинчи қисмидан ўтади. Шундан сўнг футболчи "қизил иблислар" билан шартнома имзолайди ва келишув расман эълон қилинади.
Аввалроқ, "Манчестер Юнайтед" футболчи учун 15 миллион евро тўлаши хабар қилинганди.
2021/22 йилги мавсумда Маласиа “Фейеноорд” сафида 50 та ўйинда майдонга тушиб, 1 та гол урди ва 5 та голли узатмани амалга оширди. Transfermarkt.com портали ҳимоячининг нархини 17 миллион еврога баҳоламоқда.
