"Барселона" "Челси" ҳимоячиси Сезар Аспиликуэтанинг трансфери борасидаги музокараларни тўхтатди, деб хабар беради Sport.es.
Лондон клуби ҳимоячининг шартномаси автоматик равишда яна бир мавсумга узайтирилганини таъкидламоқда ва уни қўйиб юборишни истамаяпти. Шу сабабдан Аспиликуэтанинг бошланғич нархи юқори, "Барса" "Челси"нинг талабларини қондиришга тайёр эмас.
Демак, каталонияликларнинг асосий мақсади “Челси” ҳимоячиси Маркос Алонсо.
Ўтган мавсумда Аспиликуэта Лондон клуби сафида 47та ўйинда майдонга тушиб, 3та гол урди ва 3та голга ассистентлик қилди.
