Англиянинг “Манчестер Юнайтед” клуби португалиялик ҳужумчи Криштиану Роналду ёзда жамоани тарк этиш ниятига қарамай, уни сотишни режалаштирмаяпти. Бу ҳақда Sky Sports хабар бермоқда.
Яқинда Криштиану Роналду ушбу трансфер ойнасидаёқ клубни тарк этишга қарор қилгани ва агентдан унга янги жамоа танлашни сўрагани маълум бўлди. Бироқ “Манчестер Юнайтед” футболчининг қарорига қўшилмаяпти ва уни сотишни режалаштирмаяпти, шунингдек, португалияликни яқин кунларда машғулотларда кутмоқда.
Криштиану ўтган ёзда инглиз клубига қайтганди. Роналдунинг "Манчестер Юнайтед" билан шартномаси 2023 йилгача мўлжалланган. У ўтган мавсумда барча турнирларда 38 та ўйинда майдонга тушиб, 24 та гол урди ва 3 та голга ассистентлик қилди.
