Angliyaning “Manchester Yunayted” klubi portugaliyalik hujumchi Krishtianu Ronaldu yozda jamoani tark etish niyatiga qaramay, uni sotishni rejalashtirmayapti. Bu haqda Sky Sports xabar bermoqda.
Yaqinda Krishtianu Ronaldu ushbu transfer oynasidayoq klubni tark etishga qaror qilgani va agentdan unga yangi jamoa tanlashni so‘ragani ma’lum bo‘ldi. Biroq “Manchester Yunayted” futbolchining qaroriga qo‘shilmayapti va uni sotishni rejalashtirmayapti, shuningdek, portugaliyalikni yaqin kunlarda mashg‘ulotlarda kutmoqda.
Krishtianu o‘tgan yozda ingliz klubiga qaytgandi. Ronalduning "Manchester Yunayted" bilan shartnomasi 2023 yilgacha mo‘ljallangan. U o‘tgan mavsumda barcha turnirlarda 38 ta o‘yinda maydonga tushib, 24 ta gol urdi va 3 ta golga assistentlik qildi.
