"Пахтакор"нинг "Металлург" билан ўзаро ўйинларда энг кўп тўп киритган футболчилар рўйхатини Игорь Сергеев бошқариб турибди, дея хабар берди клуб матбуот хизмати.

Сергеев бекободликлар дарвозасини 9 марта ишғол қилишга эришган. Анвар Солиев ҳисобида 8 гол мавжуд. Сервер Жепаров эса 6 бор тўп киритган.

Шунингдек, "Металлург"дан Дилмурод Каримов ҳам "шерлар" дарвозасига шунча гол урган. Айни пайтда пойтахтликлар сафида ўйнаётганлардан Драган Черан 5 бор ушбу рақиб дарвозасига тўп киритган.

"Металлург" билан ўзаро ўйинлар тўпурарлари
9 - Игорь Сергеев
8 - Анвар Солиев
6 - Сервер Жепаров, Дилмурод Каримов
5 - Игорь Шквирин, Александр Гейнрих, Баҳодир Пардаев, Драган Черан.
4 - Азамат Абдураимов, Леонид Кошелев, Исмаэль Гонсалвеш, Зоҳид Абдуллаев.