"Манчестер Юнайтед" ҳужумчиси Маркус Рэшфорд июнь ойида яхши дам олгани ва жамоанинг асосий таркибига кириш учун курашишга тайёрлигини айтди.
"Машғулот майдони атрофидаги мухлисларнинг ғувуллашини эшитганимизда яна ҳаяжонга тушамиз ва бу мавсумолди тайёргарликка киришиш истагига ижобий таъсир кўрсатмоқда", деди Рэшфорд клуб сайтига берган интервьюсида.
Унинг таъкидлашича, энди асосийси Эрик тен Хаг қурмоқчи бўлган ўйин тамойилларини тушуниш, шунингдек, ўйиндан яна завқ олишни ўрганишдир. Футболчи бир неча бор "Юнайтед"даги фаолиятини янги бош мураббий Тен Хаг қўл остида "тирилтирмоқчи"лигини айтганди.
Ўтган мавсумда футболчи Премьер-лигада 25 та ўйинда майдонга тушиб, 4 та гол урди ва 2 та голли узатмани амалга оширди.
