"Барселона" ярим ҳимоячи Гави билан шартномани узайтиришга рози бўлди.
Каталония клуби ва 17 ёшли футболчи ўртасидаги янги шартнома 2026 йилнинг 30 июнига қадар амал қилади. 11 июль куни футболчи таътилдан қайтганидан сўнг янги шартнома имзоланади.
Амалдаги шартнома 2023 йилнинг ёзига қадар мўлжалланган бўлиб, товон пули 50 миллион еврони ташкил этади. Ёш иқтидор "Барса"да қолишни жуда хоҳлади ва бошқа клублардан келган таклифларни рад этди.
2021/22 йилги мавсумда Гави "Барселона" сафида 46 та ўйинда майдонга тушиб, 2 та гол урди ва 6 та голга ассистентлик қилди.
