"Сампдория" клуби ҳужумчи Фабио Квальярелла билан шартномани узайтирди. Клуб сайти хабарига кўра, томонлар 1 йилга янги шартнома туздилар.
39 ёшли италиялик 2016 йилдан буён “Сампдория” сафида тўп тепади. У жамоа сафида жами 268 та ўйин ўтказиб, 105 та гол урган.
Квальярелла фаолияти давомида “Торино”, “Фиорентина”, “Асколи”, “Удинезе”, “Ювентус” ва “Наполи” клубларида ҳам ҳаракат қилган.
"Ювентус" билан у 3 марта А Серияда ғолиб чиқди ва икки марта Италия Суперкубогини қўлга киритди.