Ярим ҳимоячи Кристиан Пулишич ёзда "Челси"ни тарк этиш ниятида эмас, деб хабар беради Daily Mail.
Олдинроқ, 23 ёшли америкалик футболчи "Челси" ва "Ювентус" ўртасида туринликлар ҳимоячиси Маттейс де Лигтнинг трансфери бўйича келишувга қўшилиши мумкинлиги тахмин қилинганди.
Пулишич ўтган мавсумда “Челси” сафида 38 та ўйинда майдонга тушиб, 8 та гол урди ва 4 та голли узатмани амалга оширди.
Унинг Лондон клуби билан шартномаси 2024 йилнинг ёзига қадар мўлжалланган. Transfermarkt портали футболчининг нархини 42 миллион еврога баҳоламоқда.