"Манчестер Юнайтед" Нидерландия ва "Барселона" ярим ҳимоячиси Френки де Йонг трансферининг якуний тафсилотларини ҳал қилиши керак, дея хабар беради таниқли инсайдер Фабрицио Романо.
Манбага кўра, жамоалар ўртасидаги трансфер нархи аллақачон тўлиқ келишиб олинган. Ушбу трансфер инглиз клубига 65 миллион еврога тушади. Бир тафсилот қолди - футболчи учун бонуслар. Томонлар бу борада музокараларни давом эттирмоқда. Романонинг фикрича, бонуслар 20 миллион еврога етиши мумкин.
Де Йонг "Барселона"да 2019 йилдан бери тўп тепади. Унинг клуб билан шартномаси 2026 йилгача мўлжалланган.
Френки ўтган мавсумда "Барселона" сафида Ла Лигада 32 та ўйинда майдонга тушиб, 3 та гол ва 3 та голли узатмага муаллифлик қилган.
