"Бавария" ёзда ҳимоячи Бенжамин Паварни сотишга тайёр. Sky Deutschland хабарига кўра, футболчига асосий даъвогар "Челси" ҳисобланади.
Шунингдек, “Атлетико” ва “Ювентус” Франция терма жамоаси сафида жаҳон чемпиони бўлган ҳимоячига даъвогарлик қилмоқда.
Ўтган мавсумда футболчи 25 та ўйинда майдонга тушиб, 1 та голли узатмани амалга оширган.
26 ёшли Павар 2019 йилнинг ёзида “Штутгарт”дан “Бавария”га ўтган эди. Футболчининг трансфер нархи 30 миллион еврони ташкил қилади. Ҳимоячининг шартномаси 2024 йилнинг ёзига қадар мўлжалланган.