"Ноттингем Форест" "Бавария"нинг англиялик ҳимоячиси Омар Ричардсга қизиқиш билдирмоқда, дея хабар берди Sky Sports журналисти Флориан Платтенберг.
Манбанинг хабарига кўра, инглиз клуби ёзги трансфер ойнасида футболчини сотиб олмоқчи. Мюнхенликлар ҳимоячини сотишга тайёр, аммо унинг учун 10-12 миллион евро олишни исташмоқда.
24 ёшли Ричардс ўтган мавсумда "Бавария" сафида барча турнирлар доирасида 17 та ўйинда майдонга тушди ва битта гол ва битта голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.