"Салернитана" клубининг 39 ёшли франциялик ярим ҳимоячиси, "Бавария"даги ўйинлари билан танилган Франк Рибери Англиянинг "Ливерпуль" клубидан сенегаллик ҳужумчи Садио Маненинг Мюнхен клубига ўтиши ҳақида фикр билдирди.
"Бавария"ни Садио Мане билан шартнома имзолагани билан фақат табриклашим мумкин. Бу Бундеслига учун ажойиб трансфер. Умидлар катта, менимча, Садио уларни оқлайди.
Мослашиш узоқ вақт талаб қилиши мумкин. Аммо мен ўз тажрибамдан биламанки, “Бавария” мухлислари янги ўйинчи учун стартни жуда осон қиладилар, чунки улар сизни қучоқ очиб кутиб олишади”, - деган Рибери.
Эслатиб ўтамиз, Садио Мане "Бавария" билан 2025 йилнинг ёзига қадар шартнома имзолаган. Келишувнинг молиявий тафсилотлари ошкор этилмади, бироқ ОАВ хабарларига кўра, 30 ёшли сенегалликнинг Германия чемпиони лагерига трансфери суммаси 40 миллион еврони ташкил қилган.