"Манчестер Юнайтед"нинг 37 ёшли португалиялик ҳужумчиси Криштиану Роналду жамоани тарк этишга яқинлашмоқда. Бу ҳақда журналист-инсайдер Фабрицио Романо хабар берди.
Манбанинг хабарига кўра, Роналду кеча, 5 июль куни яна "Манчестер Юнайтед" машғулотларига келмаган ва буни оилавий шароит билан изоҳлаган. Айтишларича, унинг агенти Хорхе Мендеш имкон қадар тезроқ футболчи учун расмий таклиф топиш имкониятларини ўрганмоқда.
Футболчи 4 июль куни жамоага қўшилиши керак эди, бироқ у бир неча кундан буён ўзини формасини сақлаб қолиш учун Португалиядаги машғулотлар базасида якка тартибда шуғулланишда давом этмоқда. Аввалроқ Роналду сотиш учун яхши таклиф тушса, клубдан ўзини қўйиб юборишини сўрагани маълум бўлганди.
Криштиану ўтган мавсумда "Манчестер Юнайтед" сафида барча турнирларда 38та ўйинда майдонга тушиб, 24та гол ва 3та голга ассистентлик қилган.
