"Манчестер Юнайтед" бразилиялик вингер Антони учун "Аякс"га таклиф билан чиқди, дея хабар беради Goal журналисти Жеймс Робсон.
Қайд этилишича, манкунианликлар 60 миллион евро таклиф қилган. Бу сумма ҳали ҳам "Аякс"нинг трансфер сўраганидан камроқ. Нидерландия клуби 80 миллион евро сўрамоқда.
Томонлар ўтган мавсум охиридан буён келишувга эришишга ҳаракат қилишди. Амстердам клуби футболчини яна 1 йил ўз сафида қолдиришни режалаштирмоқда.
22 ёшли бразилиялик ўтган мавсумда "Аякс" таркибида 33 ўйинда майдонга тушиб, 12 гол урган ва 10 голга ассистентлик қилган.