"Manchester Yunayted" braziliyalik vinger Antoni uchun "Ayaks"ga taklif bilan chiqdi, deya xabar beradi Goal jurnalisti Jeyms Robson.
Qayd etilishicha, mankunianliklar 60 million yevro taklif qilgan. Bu summa hali ham "Ayaks"ning transfer so‘raganidan kamroq. Niderlandiya klubi 80 million yevro so‘ramoqda.
Tomonlar o‘tgan mavsum oxiridan buyon kelishuvga erishishga harakat qilishdi. Amsterdam klubi futbolchini yana 1 yil o‘z safida qoldirishni rejalashtirmoqda.
22 yoshli braziliyalik o‘tgan mavsumda "Ayaks" tarkibida 33 o‘yinda maydonga tushib, 12 gol urgan va 10 golga assistentlik qilgan.