"Саутгемптон" "Манчестер Сити" ёш ярим ҳимоячиси Ромео Лавия билан шартнома имзолаганини эълон қилди.
18 ёшли ҳимоячи билан 5 йиллик шартнома имзоланган. Transfermarkt маълумотларига кўра, бу трансфер "Саутгемптон"га 11,7 миллион еврога тушган. Хабар қилинишича, келишув футболчини 40 миллион фунтга қайтариб сотиб олиш вариантини ўз ичига олган.
Лавиа "Манчестер Сити" академиясига 2020 йилнинг июль ойида "Андерлехт"дан келиб қўшилган эди. Бельгиялик футболчи 38 та ўйинда майдонга тушиб, 2 та гол ва 4 та голли узатмага муаллифлик қилган.
