Ўзбекистон Республикаси Вазирлар Маҳкамасининг 2012 йил 1 июндаги қарорига кўра, футбол клублари, Ўзбекистон футбол Федерацияси ва унинг ҳудудлардаги бўлинмаларининг моддий-техника базасини мустаҳкамлаш мақсадида 2012 йилнинг 1 июнидан бошлаб 3 йил муддатга қуйидаги мажбурий тўловлардан озод этилди:
- Стадионларни реконструкция қилиш, футбол клубларининг моддий-техника базасини мустаҳкамлаш мақсадида Ўзбекистон Республикасида ишлаб чиқарилмайдиган инвентарь, ускуна ва материаллар учун божхона тўловлари (божхона расмийлаштириши учун йиғимлардан ташқари);
- Барча кўринишдаги солиқлар ва йиғимлар (ягона ижтимоий тўловдан ташқари);
Озод бўлган маблағлар футболни ривожлантириш учун сарфланмоғи лозим. Уларнинг мақсадли ишлатилиши устидан назорат Давлат солиқ қўмитаси зиммасига юклатилган.
