"Барселона" ярим ҳимоячиси Педри Каталония клубидаги 16-рақамни 8-рақамга алмаштирди.
"Янги давр бошланади", - дея эълон қилди ушбу хабарни клуб матбуот хизмати.
Аввалроқ, Андрес Иньеста, Христо Стоичков, Гильермо Амор, Филип Коку, Альберт Селадес, Артур, Миралем Пянич ва бошқалар "Барселона"да 8-рақам остида ўйнашган.
Педри ўтган мавсумда каталонияликлар сафида барча турнирларда 21 та ўйинда майдонга тушиб, 4 та гол урди ва 1 та голли узатмани амалга оширди. Ярим ҳимоячининг клуб билан шартномаси 2026 йилнинг 30 июнига қадар мўлжалланган.
