FAMOUSСАВОЛИ: Агар термамиз, худо сақласин, Ливанданам ютқазиб келса, ким айбдор бўлади? Абрамовга имкон бермаган ЎФФми, ёки икки клуб маъсулиятини тўлиқ хис қилмаган Қосимовми? Биринчисини айтмасангиз керак. Чунки Абрамов билан тупроғинглар ҳар хил жойдан олинган кўринади.)) Фақат илтимос, аввал ўша кун келсин деманг, ҳозирги ҳолатдан келиб чиққан ҳолда айта оласизми?
БОБОМУРОД АБДУЛЛА: Агар термамиз Ливандан ҳам ютқазса, Қосимов айбдор бўлади. Буни унинг ўзи ҳам кечаги матбуот анжуманида таъкидлади: Натижа учун мен жавоб бераман, айбни футболчиларга ҳам, бошқаларга ҳам ағдармайман, деди.
PLAZAСАВОЛИ: Ассалому алайкум, Аброр ака! Ҳозирги кунда ТВда фаолият юритаётган футбол, умуман спорт шарҳловчиларининг аксарияти мухлислар ғашини келтираётгани бор гап. Отангиз - устоз Ахбор ака шарҳловчиларга қандайдир семинар ё мастер-класс ўтказсалар жуда соз иш бўларди. Ҳар ҳолда, ёш шарҳловчиларимизга яхши сабоқ ва мактаб бўларди. Шу масалага қандай қарайсиз?
АБРОР ИМОМХЎЖАЕВ: Валейкум ассалом. Яхши фикр. Лекин ташаббус отамдан чиқиши керак эмас-ку, тўғрими?!
SOBITGERMAN САВОЛИ: Умуман олганда истеъфоларни қачон ва кимдан бошлаш керак эди? Менимча, ҳозир анча кеч, балки Усмонов кетар? Агар кетса, унга жиноий иш очиладими? Қанча давлат маблағларини бефойда сарфлаш дегандек. Ҳар ҳолда отахонларимиз пенсияни ўз вақтида олишмаяпти?
АЛИШЕР НИКИМБАЕВ: Усмонов - оддий ЎФФ ҳизматчиси эмас. У давлат пулни сарфламайди. Аксинча, Мираброр Зуфарович туфайли ЎФФ нинг молиявий аҳволи бирталай ўзгарган эди. 2005 йилда ЎФФнинг бюджети 1 миллион доллар ҳам бўлмаган. ФИФА берадиган 250 000 доллар катта ёрдам бўлган. Ҳозир эса йиллик бюджети 4-5 миллиондан кам бўлмаяпти. Манимча, кўпчилик ЎФФнинг ҳақиқий аҳволини билмас экан
JENTELMEN САВОЛИ: 1) Сизнингча Абрамовнинг алмаштирилгани тўгри бўлдими? 2) МТЖ га қайси тактика қулай? 3) Қайси футболчиларни МТЖ га чақириш керак эди ва кимларни чақирмаслик керак эди?
БОБОМУРОД АБДУЛЛА: Қосимовнинг тайинланиши тўғри қарор деб ҳисоблайман. Қосимов Абрамовнинг ютуқларини сақлаб колиб, хатоларини бартараф қилишига умид қилиб қоламан. МТЖ га ҳужумкор тактика қулай, фақат вазиятларни голга айлантирган ва ҳимояни унутмаган ҳолда қулай. Андреев, Бикмаев, Иномов, Карпенколар термага керак эмас деб ўйлайман. Уларнинг ўрнига нисбатан ёшрок ва уйини очилиб бораётган футболчиларни, масалан, Лутфулла Тўраев, Камолиддин Мурзоев, Акмал Шораҳмедов, Илҳом Суюнов, Камолиддин Тожиев каби футболчиларни чақириш керак.
KRISHZEVEN САВОЛИ: Бобомурод Абдулла билан Қаҳрамон Асланов кўпинча қарши келсаям, икковларингни хурмат қиламан. Бобомурод ака Абрамовнинг асосий камчилиги деб реализациянинг оқсаганлиги дебди. Менимчаям шундай. Сиз бу фикрга қўшиласизми?
ҚАҲРАМОН АСЛАНОВ: Биринчидан, мураббий ВАЗИЯТЛАРДАН ФОЙДАЛАНИШ га эмас, ВАЗИЯТЛАРНИ ЯРАТИШ га жавоб беради. Юз фоизли вазиятлар яратилаётган экан, демак бу мураббийнинг ютуғи. Иккинчидан, реализацияда қачон мураббийнинг улуши бўлади? Қачонки бу ҳолат сурункали такрорланаётган бўлса... Жамоада руҳий муаммолар борлигини билдиради бу ҳолат. Мураббий бартараф қилишга мажбур. Учинчидан, МТЖ да вазиятлардан фойдалана олмаслик касаллиги йўқ. Фаразларни эшитганда, ҳеч бўлмаса, фактларга мурожаат қилишни ўрганайлик. Тўғри, терма жамоамиз Эрон билан ўйинда вазиятлардан фойдалана олмади. Хўш, яна шунақа ўйинни эслайсизми? Масалан Япония ва Шимолий Корея билан сафардаги ўйинларда жамоамизнинг реализация кўрсаткичи жуда юқори бўлди, тўғрими? Хўш, унда қайси муаммо ҳақида гаплашяпмиз?
FAMOUS САВОЛИ: 2001 йили ЖЧ саралаш ўйини, Тошкентда Сальков бошчилигидаги термамиз Қатарга қарши ўйинга футболга умуман кизикмайдиган танишим билан борган эдик. 37 секторда ўтирибмиз, биринчи таймдан сўнг, ҳисоб 1-0 булгандан кейин,ҳалиги танишимга "бу ўйинни натижасини биламан, 3-0 бизникилар ютади" десам, у "қаердан биласиз?" деди. Ман "бу ўйин запись-ку, олдин кўрганман" десам, у тутоқиб, "эээ, кўрганакансиз, нега тушдик бўлмаса" деб бақириб берса бўладими? Трибуналар тўла эмасми, атрофда катта кулги кўтарилди. Қўшни сектордагилар бизга ажабланиб қарашди. Ҳалиги танишим қизариб-бўзариб, кетаманга тушиб колди. Атрофдагилар билан зўрга ушлаб қолдик.)) Сизда хам кизик вокеалар булиб турса керак?
АБРОР ИМОМХЎЖАЕВ: Адам айтиб бергандилар. ТВда ишлаб юрган пайтларида "Футбол чорраҳаларида" кўрсатувларига лавҳа тайёрлаш учун бир тасвирчи билан стадионга ташриф буюрганлар. Тасвирчи футболни яхши тушунмаслигини билганлари учун "Бутун ўйинни ёзиш шарт эмас, асосан хавфли, голга яқин вазиятларни олсангиз бўлди" десалар, "Гол киритилишидан 15-20 секунд олдин айтсангиз, албатта бехато олиб бераман" деган экан ))
BILOLСАВОЛИ: 1) Сизнинг ЎФФ президенти бўлиш имкониятингиз борми? Бор бўлса, сизга қандай талаблар қўйилади? 2) Ҳозирда мамлакатимиздан яна кимда ОФК да ишлаш имконияти бор? 3) ҳакамлар савиясига қўра қандай гуруҳларга ажратилади?
АЛИШЕР НИКИМБАЕВ: 1) Манимча, имконият ҳаммада бор. Чунки Ўзбекистон - демократик мамлакат ва ЎФФ - ижтимоий ташкилот. Демак ЎФФ президенти бўлиш учун сайловларда ғалаба қозониш керак. 2) ОФКнинг сайтида вакант ўринлар ҳақида маълумот бор. Ўшанда талаблари ҳам ёзилган. Кимга қайси тўгри келса, бемалол даъвогарлик қилса бўлади. 3) ОФК да учта гуруҳ бор. Элита-А (биздан Равшан Эрматов ва Валентин Коваленколар киради), Элита-Б (Владислав Цейтлин) ва қолган халкаро ҳакамлар. Элита-А гуруҳга кирган ҳакамлар МТЖ ва ОЧЛ уйинларга тайинланади, Элита-Б - ОФК кубоги, ЁТЖ ва шунга ўхшаган мусобақаларга, қолганлар эса - ўсмирлар мусобақаларига тайинланишади.
Журналист ва мутахассисларга сизда ҳам савол туғилиб қолса, сайтимизнинг "Конференциялар" бўлимига ўтишингиз мумкин
