"Манчестер Сити" ярим ҳимоячиси Бернарду Силванинг агенти Жорже Мендеш "Барселона" раҳбарлари билан Каталония клубига ўтиш масаласини муҳокама қилди.
Mundo Deportivo хабарига кўра, испан клуби 27 ёшли ярим ҳимоячи учун инглизлар талаб қилган 100 миллион еврони дарҳол тўлай олмагани учун "Барселона" тўловни бир неча йилга бўлиб беришни таклиф қилмоқда. Бундай ҳолда, дастлабки тўлов энг кичик бўлади.
Силва билан шартнома имзолашнинг яна бир шарти ярим ҳимоячи Френки де Йонгни мажбурий сотилиши бўлади.
Бернарду ўтган мавсумда “Манчестер Сити” сафида 50 та ўйинда майдонга тушиб, 13 та гол урди ва 7 та голли узатмани амалга оширди. Ярим ҳимоячининг инглиз клуби билан шартномаси 2025 йилнинг июнигача мўлжалланган.
Transfermarkt Бернарду Силвани 80 миллион еврога баҳоламоқда.