"Manchester Siti" yarim himoyachisi Bernardu Silvaning agenti Jorje Mendesh "Barselona" rahbarlari bilan Kataloniya klubiga o‘tish masalasini muhokama qildi.

Mundo Deportivo xabariga ko‘ra, ispan klubi 27 yoshli yarim himoyachi uchun inglizlar talab qilgan 100 million yevroni darhol to‘lay olmagani uchun "Barselona" to‘lovni bir necha yilga bo‘lib berishni taklif qilmoqda. Bunday holda, dastlabki to‘lov eng kichik bo‘ladi.

Silva bilan shartnoma imzolashning yana bir sharti yarim himoyachi Frenki de Yongni majburiy sotilishi bo‘ladi.

Bernardu o‘tgan mavsumda “Manchester Siti” safida 50 ta o‘yinda maydonga tushib, 13 ta gol urdi va 7 ta golli uzatmani amalga oshirdi. Yarim himoyachining ingliz klubi bilan shartnomasi 2025 yilning iyunigacha mo‘ljallangan.

Transfermarkt Bernardu Silvani 80 million yevroga baholamoqda.