"Милан" ҳужумчиси Рафаэль Леаунинг манфаатларини ҳимоя қилувчи агент Жорже Мендеш Италия клубидан янги шартнома бўйича мижозининг маошини сезиларли даражада оширишни талаб қилмоқда.
2024 йилнинг ёзида тугайдиган амалдаги шартномага кўра, Леау ҳар мавсумда 1,5 миллион евро маош олади. "Милан" 22 ёшли португалиялик футболчига йилига 4,5 миллион евро маош оладиган янги шартнома таклиф қилди. Бироқ, Мендеш ўз мижози учун мавсумига 7 миллион евро маош олишни истамоқда, буни эса "Милан" тўлай олмайди.
Бундан ташқари, Мендеш “россонерилар” даъвогарлик қилаётган “Лилль” ярим ҳимоячиси Ренату Саншешнинг ҳам манфаатларини ҳимоя қилади. "Милан" унга йилига 3,5 миллион евро маош билан шартнома таклиф қилган, Мендеш эса мижоз учун 5 миллион маош олмоқчи.
2021/22 йилги мавсумда Леау “Милан” сафида А Сериянинг 34 та ўйинида майдонга тушиб, 11 та гол урди ва 10 та голли узатмани амалга оширди. Мавсум якунида у Италия чемпионатининг энг яхши футболчиси сифатида тан олинди.
