"Лидс" ҳужумчиси Рафинья "Барселона"га ўтишга ҳар қачонгидан ҳам яқинроқ.
Журналист Николо Скиранинг твиттерда ёзишича, 25 ёшли бразилиялик аллақачон каталонияликлар билан 2027 йилгача мўлжалланган шартномага келишиб олган. Рафиньянинг маоши мавсумда 6 миллион еврони ташкил қилган. "Лидс" бу трансфер учун "Барселона"дан тахминан 55 миллион евро олади.
Аввалроқ, Рафинья Каталония клубига келишувни якунлаш учун 2 кун муҳлат бергани, шундан сўнг у бор эътиборини "Челси"га қаратишга ваъда бергани хабар қилинганди.
2021/22 йилги мавсумда Рафинья “Лидс” сафида Премьер-лигада 35 та ўйинда майдонга тушиб, 11 та гол урди ва 3 та голли узатмани амалга оширди.