"Милан" ярим ҳимоячиси Саму Кастильехо тез орада "Валенсия"га ўтади, дея хабар берди инсайдер Фабрицио Романо.
Футболчининг трансферини “кўршапалаклар”нинг янги бош мураббийи, аввалроқ “Милан”да ўйнаган ва жамоани бошқарган Женнаро Гаттузо талаб қилмоқда.
Кастильехо "Валенсия" билан 2026 йилгача мўлжалланган шахсий шартнома шартларини келишиб олди.
"Милан" Кастильехони 2018 йилнинг ёзида "Вильярреал"дан 21,3 миллион евро эвазига сотиб олганди. Қайд этилишича, энди клуб футболчини солиқларсиз йилига 6 миллион евро бўлган маошини тежаш мақсадида уни текинга қўйиб юборишга тайёр.
Испаниялик футболчи “россонерилар” сафида 113 та ўйинда майдонга тушиб, 10 та гол урган ва 11 та голли узатмани амалга оширган.
