Жаҳон чемпионати саралаш босқичи доирасидан ўрин олган Ливан ва Ўзбекистон миллий терма жамоалари ўртасидаги учрашув олдидан иккала жамоа бош мураббийлари иштирокида матбуот анжумани ташкил қилинди.
Терма жамоамизнинг янги бош мураббийи Миржалол Қосимов дастлаб Эрон терма жамоасидан учралган мағлубият ҳақида гапириб ўтди.

"Эрон билан уйиндаги мағлубиятни ҳеч ким кутмаганди. Учрашувда терма жамоамиз рақибга қараганда яхши уйнади, устунлик бизнинг томонимизда бўлганди. Бироқ, сўнгги дақиқаларда меҳмонларнинг қарши ҳужумдаги голи бизга қимматга тушди. Албатта бу энди тарих. Эрон билан ўйиндаги омадсизликликни унутиб, кейинги учрашувларда ғалаба қозонишга ҳаракат қилишимиз керак бўлади", дея дастлабки фикрларини билдирди Қосимов.

Терма жамоани икки йилдан ошиқроқ вақтдан буён илк марта майдонга бошлаб тушган мураббий Вадим Абрамовнинг кетиши футболчиларга салбий таъсир қилмаслигини таъкидлаб ўтди: "Мураббий келади, кетади. Бу қонун. Ливан билан ўйинда шогирдларимга мураббийнинг алмашгани салбий таъсир қилади деб ўйламайман. Чунки улар профессионаллар ва бу утбол қонуни яхши билишади", дейдт Қосимов.

Қосимовга берилган саволлардан бири қисқа вақт ичида терма жамоа ўйинига олиб кирилиши мумкин бўлган тактика ҳақида бўлди. "Терма жамоа ўйинида ҳам катта ўзгаришлар булмайди. 3 кун ичида жамоанинг ўйини бутунлай ўзгариб кетмайди. Бу мумкин эмас", таъкидлади Қосимов.

"Бир сўз билан айтганда биз ғалаба учун майдонга тушамиз. Бошқа йўл ҳам йўқ бизда. Уч очко биз учун сув ва ҳаводек зарур", дея Қосимовнинг фикрини ифодалади ЎФФ матбуот хизмати твиттери.