Миланнинг “Интер” клуби раҳбарлари чилилик ҳужумчи Алексис Санчес билан ҳамкорлик қилишдан манфаатдор эмас. "Нерадзуррилар" ёзда футболчидан қутулмоқчи.

Спортиталиа хабарига кўра, миланликлар футболчига йиллик маошининг 65 фоизи миқдорида ишдан бўшатиш нафақасини кафолатлашга тайёр. Шу тариқа, томонлар рози бўлса, Алексис тахминан етти миллион евро олади.

Форварднинг “Интер” билан амалдаги меҳнат шартномаси муддати 2023 йилнинг ўрталарига қадар ҳисобланган. Ҳужумчининг бозор нархи 3,5 миллион еврога баҳоланмоқда.

Алексис ўтган мавсум А Сериянинг 27 ўйинида 5 та гол урди ва 2 та голли узатмани амалга оширди.