"Ливерпуль" бош мураббийи Юрген Клопп журналистларга келаси мавсумда кимларни Премьер-лига фаворити сифатида кўриши ҳақида гапирди.
"Биз ўтган мавсумда "Челси" билан ўйнадик ва бирорта ҳам ғалаба қозона олмадик ва бу ўша куни ёмон бўлганимиз учун эмас. Бу шунчаки "Челси" ниҳоятда кучли эканлигини кўрсатади. “Тоттенхэм”га қарасангиз, улар ўтган йили яхши ўйин кўрсатди ва ёзда ҳам ёмонлашмади”, деди Клопп.
Шунингдек, у "Арсенал"ни курашга қўшилишга қодир деб билишини ва янги бош мураббий Эрик тен Хаг билан "Манчестер Юнайтед"ни камситмаганини таъкидлади.
Жамоалар ҳозир мавсумолди тайёргарлик босқичида. Премьер-лиганинг янги мавсуми август ойида бошланади.
