"Манчестер Юнайтед"нинг янги бош мураббийи Эрик Тен Хаг клубдаги вазиятни тубдан ўзгартириш ниятида ва шунинг учун раҳбарият унга карт-бланш беришга қарор қилди. У аллақачон футболчиларни фақат меритократия тамойиллари асосида ҳаракат қилишини огоҳлантирган - ким ўйнашга лойиқ бўлса, унинг исми ва фамилиясидан қатъи назар майдонга тушади.

Тен Хаг ўйинчиларга кийиниш хонасида гуруҳларга тўпланишни тақиқлади ва ҳатто меню билан боғлиқ қоидаларни киритди. Кечикишни яхши кўрадиганларга қарши алоҳида кураш олиб борилади, бундай ўйинчилар ўйин учун қайдномадан четлаштирилади.

Яна бир янгилик: мобил телефонлардан фойдаланишга чеклов, хусусан, тушлик пайтида улар тақиқланади. Аммо бу қоидалар янги эмас ва кўпчиликни ҳайратда қолдирган нарса шундаки, Тен Ҳаг клуб ходимларидан маълум кунларда маълум рангларда кийишни талаб қилади.

Хусусан, душанба куни улар аёллар учун оқ либосда, эркаклар учун эса қора либосда ишлашлари шарт. Бу нима учун керак ва у қандай ишлаши ҳозирча тўлиқ аниқ эмас, лекин нидерландиялик мутахассис карт-бланш олганини эслаймиз.