"Интер" ҳужумчиси Эдин Жеко "Ювентус"га ўтишдан бош тортди.
Sportitalia хабарига кўра, босниялик Турин клуби таклифини рад этган.
Олдинроқ ОАВда "кекса синьора" кетган Пауло Дибаланинг ўрнига 36 ёшли футболчини кўриб чиқаётгани ҳақида хабарлар тарқалганди.
Жеко ўтган ёзда "Рома"дан 1,5 миллион евро эвазига "Интер"га ўтган эди. 2021/22 йилги мавсумда футболчи миланликлар сафида 49 та ўйин ўтказиб, 17 та гол урган ва 10 та голли узатмани амалга оширган.