"Inter" hujumchisi Edin Jeko "Yuventus"ga o‘tishdan bosh tortdi.
Sportitalia xabariga ko‘ra, bosniyalik Turin klubi taklifini rad etgan.
Oldinroq OAVda "keksa sinyora" ketgan Paulo Dibalaning o‘rniga 36 yoshli futbolchini ko‘rib chiqayotgani haqida xabarlar tarqalgandi.
Jeko o‘tgan yozda "Roma"dan 1,5 million yevro evaziga "Inter"ga o‘tgan edi. 2021/22 yilgi mavsumda futbolchi milanliklar safida 49 ta o‘yin o‘tkazib, 17 ta gol urgan va 10 ta golli uzatmani amalga oshirgan.