"Барселона" "Лидс" ҳужумчиси Рафиньянинг трансфери бўйича принсипиал келишувни эълон қилди.
Битимни якунлаш учун 25 ёшли бразилиялик фақат тиббий кўрикдан ўтиши керак эди.
Трансфер суммаси ва футболчи билан шартнома муддати кўрсатилмаган. Олдинроқ “Барселона” футболчи учун 58 миллион евро тўлаши, бонуслар ҳисобга олинса, бу сумма 67 миллион еврога кўтарилиши мумкинлиги ҳақида хабар берилганди. Футболчининг шахсий шартномаси 2027 йилгача тузилиши керак.
2021/22 йилги мавсумда Рафинья "Лидс" сафида 36 ўйинда 11 та гол урди ва 3 та голга ассистентлик қилди. Transfermarkt.com портали ҳужумчини 45 миллион еврога баҳоламоқда.
