Уругвай терма жамоаси ҳужумчиси Луис Суарес "Милан"га ўтишга яқин турибди, деб хабар беради AS.
Манбага кўра, итальян клуби солиқлардан ташқари футболчига йилига тўрт миллион евро таклиф қилган. Шунингдек, "Монца" ҳам футболчи учун кураш олиб бормоқда ва унга худди шундай шартлар асосида шартнома таклиф қилди. Форвард эркин агент, шунинг учун у янги клубга текинга ўтиши мумкин.
35 ёшли Суарес бунгача “Насьионал”, “Гронинген”, “Аякс”, “Ливерпуль”, “Барселона” ва “Атлетико” клубларида тўп тепган. Уругвай терма жамоаси сафида 132 та ўйин ўтказиб, 67 та гол урган.
