"Арсенал" ярим ҳимоячиси Лукас Торрейранинг агенти Пабло Бентанкур мижози билан "Валенсия"га ўтиш бўйича келишув борлигини айтди.
"Гаттузо билан Лукаснинг "Валенсия"га ўтиши борасида келишувимиз бор. Бу борада муҳим учрашувимиз бўлди. Гап шундаки, Микель Артета Торрейранинг "Арсенал" билан мавсумолди машғулотидан иштирок этишини хоҳлади", - дея Бентанкурнинг сўзларини келтиради Sport890.
2021/22 йилги мавсумда Торрейра "Фиорентина"да ижара асосида ўйнади. 26 ёшли уругвайлик футболчи ҳисобига итальян клуби сафида 35та ўйинда 5та гол ва 2та голли узатма ёздириб қўйган.
Transfermarkt.com портали футболчининг нархини 20 миллион еврога баҳоламоқда.
