"Интер" ҳужумчиси Ромелу Лукаку 2021 йилда "Челси"га ўтиш хато бўлганини айтди.
“Бу мавсум фаолиятимдаги энг катта синов бўлади. Мен кетдим ва бу хато эди, тўғрими Нико? (кулади) (суҳбат чоғида унинг ёнида Николо Барелла ўтирган эди).
Яна бу футболкада ўйнаганимдан хурсандман. Бу мавсум олдимда катта синов турибди ва мен бунга тайёрман. Ўтган мавсумда Англияда ўйнаганимда, "Интер" мен учун қанчалик муҳимлигини англадим.
Милан ажойиб шаҳар, шунинг учун ҳам бу ерда турар жойим бор. Лондонда ўйнаганимда, онам бу эрга тез-тез келиб турарди ва мен ҳам қайтишни хоҳлардим", - дея Лукаку сўзларини келтиради Football Italia.
Миланликлар 29 ёшли бельгиялик ҳужумчини 2022/23 йилги мавсум учун "Челси"дан ижарага олишди.
Лукаку 2019 йилдан 2021 йилгача “Интер” сафида тўп тепган. У ўтган ёзда "Челси"га 115 миллион еврога сотилган эди.
