"Inter" hujumchisi Romelu Lukaku 2021 yilda "Chelsi"ga o‘tish xato bo‘lganini aytdi.
“Bu mavsum faoliyatimdagi eng katta sinov bo‘ladi. Men ketdim va bu xato edi, to‘g‘rimi Niko? (kuladi) (suhbat chog‘ida uning yonida Nikolo Barella o‘tirgan edi).
Yana bu futbolkada o‘ynaganimdan xursandman. Bu mavsum oldimda katta sinov turibdi va men bunga tayyorman. O‘tgan mavsumda Angliyada o‘ynaganimda, "Inter" men uchun qanchalik muhimligini angladim.
Milan ajoyib shahar, shuning uchun ham bu yerda turar joyim bor. Londonda o‘ynaganimda, onam bu erga tez-tez kelib turardi va men ham qaytishni xohlardim", - deya Lukaku so‘zlarini keltiradi Football Italia.
Milanliklar 29 yoshli belgiyalik hujumchini 2022/23 yilgi mavsum uchun "Chelsi"dan ijaraga olishdi.
Lukaku 2019 yildan 2021 yilgacha “Inter” safida to‘p tepgan. U o‘tgan yozda "Chelsi"ga 115 million yevroga sotilgan edi.
