“Манчестер Юнайтед” ҳужумчиси Криштиану Роналду икки йилга 275 миллион евро таклиф қилинганига қарамай, Саудия Арабистонидан келган клубда ўйнаш таклифини рад этади, деб хабар беради ESPN.

Манбага кўра, 37 ёшли португалиялик совринлар учун курашиб, Чемпионлар лигасида ўйнашни истамоқда.

Олдинроқ араб клуби ҳужумчига йилига 125 миллион евро тўлашга тайёр экани хабар қилинганди.

Ўтган мавсумда Роналду “Манчестер Юнайтед” сафида барча мусобақаларда 39 та ўйинда майдонга тушиб, 24 та гол урди ва 3 та голга ассистентлик қилди. Унинг клуб билан шартномаси 2023 йилнинг 30 июнига қадар амал қилади.