"Наполи" бош мураббийи Лучано Спаллетти ярим ҳимоячи Хвича Кварацхелиянинг ўйини ҳақида фикр билдирди.
Кеча, 14 июль куни Кварацхелия “Наполи” сафидаги илк учрашувда дубль қайд этди.
“Кварацхелия ҳар доим бўшлиқ топадиган футболчи. У чапда ҳам, ўнгда ҳам ҳаракатлана олади. Ҳаракатни қандай бажаришни билади. У ажойиб ўйинчи ва Инсиньенинг ўрнини тўлиқ эгаллайди. Унинг келиши билан клуб ҳужумдаги муаммоларини ёпди", - дея Спаллетти сўзларидан иқтибос келтиради неаполликлар матбуот хизмати.
Ярим ҳимоячи клубга Батуми “Динамо”сидан 10 миллион евро эвазига ўтган эди.
Италия терма жамоаси ҳужумчиси Лоренсо Инсинье жамоани тарк этди. 31 ёшли форвард эркин агент мақомида "Торонто"га ўтди.
