Саудия Арабистонининг “Ал-Кавкаб” клуби “Манчестер Юнайтед” ҳужумчиси Криштиану Роналду борасида баёнот берди. Олдинроқ ОАВ араб клуби ҳужумчига йилига 125 миллион евро тўлашга тайёрлиги ҳақида хабар берган эди.
"Расмий эълон: Португалиялик футболчи Криштиану Роналду ва "Ал-Кавкаб"нинг муносабатлари ҳақидаги миш-мишлар ҳақиқатга тўғри келмайди. Футболчи клубнинг режаларига мутлақо киритилмаган”, — дейилади клубнинг Twitter'даги хабарида.
Эслатиб ўтамиз, ўтган ёзда Роналду 2003 йилдан 2009 йилгача ўйнаган "Манчестер Юнайтед"га қайтган эди. Ҳужумчи ўтган мавсумда 38 ўйинда 24 та гол урди ва 3 та голли узатмани амалга оширди.
