"Арсенал" ивуарлик ҳужумчи Николас Пепедан қутулиш ниятида, деб хабар беради Diario De Sevilla.
Манбага кўра, инглиз клуби футболчи учун 25 миллион евродан кўпроқ пул олмоқчи. Футболчи бўйича таклиф унинг учун 18 миллион евро тўлашга тайёр "Севилья" томонидан бўлган. Ҳужумчига шунингдек, "Лидс", "Лион" ва "Марсель" ҳам қизиқиш билдирмоқда.
27 ёшли Пепе ўтган мавсумда "Арсенал" сафида барча турнирларда 23 та ўйинда майдонга тушиб, 3 та гол урди ва 6 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.