"ПСЖ" "Челси" қизиқаётган ҳимоячиси Преснел Кимпембе учун нарх белгилади, деб хабар беради The Independent.
Манбага кўра, француз клуби футболчи учун 50 миллион евро ва яна 10 миллионни бонус сифатида олмоқчи. “Аристократлар” бундай суммани тўлашга тайёр эмас. Улар 20 миллион евро камроқ тўлашга умид қилишмоқда.
26 ёшли Кимпембе ўтган мавсумда "ПСЖ" сафида барча турнирларда 41 та ўйинда майдонга тушиб, 2 та гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.