"Наполи" "Челси"га ўтиши кутилаётган Калиду Кулибали ўрнига "ПСЖ" ҳимоячиси Абду Диаллони сотиб олмоқчи. Бу ҳақда италиялик журналист Фабрицио Романо твиттерда хабар берди.
Манбага кўра, "Наполи" Диаллони доимий равишда сотиб олиш бўйича "ПСЖ" билан музокараларга киришган. Мумкин бўлган ўтишдаги асосий муаммолардан бири бу ўйинчининг ўзи шартномаси бўйича жуда катта талаблар. Потенциал трансфер суммаси 20 миллион евродан 25 миллион еврогача бўлади.
Эслатиб ўтамиз, Диалло 2019 йилнинг ёзида Дортмунднинг "Боруссия"сидан 32 миллион евро эвазига "ПСЖ" футболчисига айланганди. Ўтган мавсумда у француз клуби сафида барча мусобақаларда бор-йўғи 16та учрашувда қатнашган.
