"Бетис" ярим ҳимоячи Уссем Ауар трансфери бўйича "Лион" билан музокараларни бошлади. Бу ҳақда журналист Николо Скира Твиттерда хабар берди.
Потенциал битимнинг молиявий шартлари очиқланмаган.
2021/22 йилги мавсумда Ауар "Лион" сафида барча турнирларда 45 та ўйинда майдонга тушиб, 8 та гол урди ва 4 та голли узатмани амалга оширди. Унинг шартномаси 2023 йилнинг ёзида якунига етади.
Июнь ойида "Рома" 24 ёшли франциялик футболчига қизиқиш билдираётгани ҳақида маълумот пайдо бўлганди.