"Ливерпул"нинг собиқ ҳужумчиси Лазар Маркович фаолиятини Австралия лигасида давом эттириши мумкин. 28 ёшли футболчи билан "Сидней" клуби шартнома имзолаш ниятида.
Маркович 2014 йилда 35 миллион евро эвазига "Ливерпул"га ўтган эди. "Қизиллар" футболчи учун «Тоттенхэм», «Бавария» ва «Фиорентина» каби клубларга қарши курашда ғалаба қозонишганди. Бироқ, қанот ҳужумчиси ўз салоҳиятини намойиш эта олмади ва 2019 йил январ ойида "Фулхэм" билан шартнома имзолашдан олдин клубни эркин агент сифатида тарк этди.
Футболчи ўтган мавсумни Сербиянинг "Партизан" жамоасида ўтказди, бироқ 19та ўйинда бирорта ҳам самарали ҳаракат қила олмади.
