"Манчестер Сити" ҳозирда "Брайтон" тўп сураётган ҳимоячи Марк Кукурелья учун 60 миллион евро тўлашга тайёр эмас, аммо ҳимоячи Александр Зинченко "Арсенал"га сотилса, вазият ўзгариши мумкин. Бу ҳақда италиялик инсайдер Фабрицио Романо ижтимоий тармоқларда хабар берди.
Эслатиб ўтамиз, Зинченко трансфер ойнасида “Арсенал” бош мураббийи Микель Артетанинг асосий мақсади ҳисобланади. Испаниялик мутахассис украиналик марказий ярим ҳимоячи билан бирга ишламоқчи.
Зинченкодан тушган маблағ "Манчестер Сити"га ўтишни орзу қилаётган Кукурельяни трансфер қилиш учун ишлатилиши мумкин.
