"Арсенал" ярим ҳимоячиси Моҳамед Эл-нени жамоанинг АҚШдаги мавсумолди йиғини ҳақида гапирди.
“Биз бу ерда бир ярим ҳафтадан беримиз ва ҳар куни кучлироқ бўлиш учун қўлимиздан келганини қиламиз. Баъзан жойни ўзгартириш, машғулот базасидан узоқда бўлиш ва бир-биримизни яхшироқ билиш муҳим", - деди Эл-нени.
АҚШда "канонирлар" "Эвертон", "Челси" ва "Орландо Сити" жамоалари билан ўртоқлик ўйинлари ўтказади.
"Биз учта яхши рақиб билан ўйнаймиз ва бу биз учун жуда яхши синов - яхши машғулот бўлади", - дея қўшимча қилди "Арсенал" ярим ҳимоячиси.
Футболчи ўтган мавсумда АПЛда 14 та ўйинда майдонга тушиб, 2 та голли узатмани амалга оширган.