"Барселона" ярим ҳимоячиси Френки де Йонг "ПСЖ" ёки "Челси"га ўтиши мумкин.
"Манчестер Юнайтед" футболчига қизиқиши ва "Барселона" футболчини тезроқ сотиш истагида бўлишига қарамай, де Йонг Каталония клубини тарк этишни истамаслигини қатъиян айтди.
"Барселона" агар ярим ҳимоячи фикрини ўзгартирмаса, де Йонгни Шимолий Америка турнесидан четлатиш билан таҳдид қилди.
Сўнгги маълумотларга кўра, нидерландиялик футболчининг агенти ўз мижозини “Челси” ва “ПСЖ”га таклиф қилган, деб хабар беради ESPN.
Ўтган мавсумда футболчи Ла Лигада 32 та ўйинда майдонга тушиб, 3 та гол урди ва 3 та голли узатмани амалга оширди.
