"ПСЖ" ярим ҳимоячиси Марко Верратти Франция фуқаролигини олиш ниятида эканлигини маълум қилди. Эслатиб ўтамиз, италиялик футболчи Париж клубида 2012 йилдан буён тўп суради, ўшандан у "Пескара" клубидан сотиб олинган.
“Бир кун келиб мен Франция фуқаролигини олиш учун ариза бераман, чунки менинг фарзандларим шу мамлакатда туғилган. Париж - ажойиб шаҳар ва бу мамлакат менга кўп нарсаларни берди. Мен ўзимни француздек ҳис қиляпман, гарчи италиялик бўлиб қолсам ҳам", - деди Верратти.
Эслатиб ўтамиз, Верраттининг "ПСЖ" билан шартномаси 2024 йилнинг ёзида якунига етади. Шу билан бирга, италиялик мутахассис Париж клуби билан келишувни узайтиришга тайёрлигини билдирди.
