“Наполи” ҳимоячиси Калиду Кулибали Неаполь клуби мухлислари билан хайрлашди.

“2014 йил 1 июнь – унутилмас сана: Неаполга келишим ва самимий севгининг бошланиши. Ғалаба, мағлубият, қувонч ва умидсизлик. Биргаликда бошдан кечирган жуда кўп ҳиссиётлар.

Икки ўғлим Неаполда туғилган. Мен ҳаётимнинг бир бўлагига абадий айланиб кетадиган одамларни учратдим ва улар туфайли мен ва оилам ўзимизни уйдагидек ҳис қилдим: биринчи кундан охирги кунгача.

Менга кўрсатган севгингиз учун неаполликларга раҳмат”, — деб ёзди Кулибали ижтимоий тармоқдаги ўз саҳифасида.

8 мавсум давомида Кулибали “Наполи” сафида 317 та ўйинда майдонга тушиб, 14 та гол урди ва 8 та голли узатмани амалга оширди.

Яқин орада 31 ёшли сенегаллик футболчи "Челси"га ўтишни расмийлаштиради. Хабар қилинишича, битим суммаси 40 миллион еврони ташкил қилади. Футболчи 2027 йилгача шартнома имзолайди.